"Сөйлесе, сөздің шешені": Тілеген Мәмбетұлының туғанына 160 жыл.

• 0
• Оқылған саны: 132

"Сөйлесе, сөздің шешені".

Тілеген Мәмбетұлының туғанына 160 жыл.

Мәмбетұлы Тілеген ( 1863 - 1926) жылдар аралығында өмір сүрген Маңғыстау билерінің бірі. Заманында болыс болып ел билеген, шешен болып шаршы топта сөз сөйлеген.

Ел аузында "Медет қара Тілеген" атымен қалған.Тілегеннің "Жастарға өсиеті", "Содыр ісіне берген сабағы", "Мәтжан биден сабақ алуы", " Тілегеннің тоқтамыс Оразға айтқаны" т.б шешендік сөздері күні бүгінге дейін ел жадында сақталған.

Тілеген би фәниден бақиға жол тартқанда оның рухына жоқтау шығарған Мырзағұл былайша толғапты.

...Он бес жасқа келгенде

Мөрді ұстап, хат білген.

Медет деген ауылдың

Маңдайындағы бағы еді,

Ортасындағы ханы еді.

Халқына қадірі бар еді,

Бүкіл Медет еліне

" Бүтін болың" деп еді.

Сахилығын айтайын

Кішілер келсе қой сойған,

Үлкендер келсе тай сойған,

Қараңғыда жол тапқан,

Қапияда жөн тапқан.-

дей келе бидің алғыр, беделді би, халқына қадірлі, еліне елеулі адам болғанын, маңына мақтаныш болып өткенін түйіндепті.

Халқынан "Қара Тілеген" деген атақ алған жезтаңдай шешен - би Тілеген Мәмбетұлы туралы толығырақ танысқыңыз келсе кітапханамыздың Өлкетану залынан таба аласыздар.